Каиро, 26 мај 2024 (МИА) - Бунтовниците Хути во Јемен ослободија повеќе од 100 воени заробеници, соопшти денеска Меѓународниот комитет на Црвениот крст. Затворениците се ослободени рано утринава во Сана, која сега е под контрола на Хутите.

„Се надеваме дека ова го отвора патот за понатамошни ослободувања и обезбедува утеха за семејствата кои со нетрпение го очекуваат повторното обединување со нивните најблиски“, рече Дафне Марет, шефица на делегацијата на Црвениот крст во Јемен.

Еден од ослободените со здравствени проблеми со возило на брза помош е префрлен во неговиот роден град во Јемен.

Се верува дека има уште илјадници заробеници од војната во Јемен што започна во 2014 година меѓу бунтовниците поддржани од Иран и владата поддржана од Саудиска Арабија.

Многу од нив се водат како исчезнати. паг/

Фото: ЕПА