Хрватска упати протестна нота до Србија поради нападот врз нејзини граѓани во Панчево
- Министерството за надворешни и европски работи на Хрватска упати протестна нота до Србија во врска со физичкиот напад врз четворица хрватски државјани минатиот викенд во Панчево, соопштено е денеска во Загреб.
![Хрватска упати протестна нота до Србија поради нападот врз нејзини граѓани во Панчево](https://mia.mk/index.php/images/20240416114531_big_730x400_17.webp )
Загреб, 16 април 2024 (МИА) - Министерството за надворешни и европски работи на Хрватска упати протестна нота до Србија во врска со физичкиот напад врз четворица хрватски државјани минатиот викенд во Панчево, соопштено е денеска во Загреб.
„Министерството за надворешни и европски работи на Хрватска упати протестна нота до Република Србија во врска со неиспровоцираниот тежок физички напад што се случи на 13 април во Панчево, врз четворица хрватски државјани, како и врз двајца српски државјани кои дошле во нивна одбрана“, се вели во соопштението на министерството.
Хрватското Министерство најостро го осуди тој чин, кој, според достапните информации, е јасно национално и етнички мотивиран. рп/
Фото: МИА архива