Манчестер, 18 март 2025 (МИА) - Напаѓачот на Манчестер сити, Ерлинг Халанд размислува да го напушти клубот доколку „Граѓаните“ не успеат да изборат учество во Лигата на шампионите следната сезона.

Според „Ел Национал“, 24-годишниот Норвежанец би можел да го напушти Сити ова лето. Реал Мадрид и ПСЖ се сметаат за најверојатни опции Халанд да ја продолжи кариерата, но француското првенство не е приоритет за напаѓачот.

Халанд игра за Манчестер сити од 1 јули 2022 година, а неговиот договор со клубот е до 30 јуни 2034 година. 

Оваа сезона напаѓачот одигра 38 натпревари, постигна 29 гола и четири асистенции. 

„Трансфермаркт“ ја проценува пазарната вредност на норвешкиот фудбалер на 200 милиони евра. зс/

Фото. ЕПА