Франција нуди стимулации за замена на стари автомобили со електрични велосипеди
- Мерката го доби потребното мнозинство на првичното гласање во Парламентот, а владата ја предложи во облик на измени и дополнувања на нацрт-законот насочен кон намалување на гасовите на ефекто
![Франција нуди стимулации за замена на стари автомобили со електрични велосипеди](https://mia.mk/index.php/images/20221107013410_big_730x400_12.webp )
Париз, 12 април 2021 (МИА) - Француските власти имаат намера да им понудат 2.500 евра на сопствениците на стари автомобили со мотори со внатрешно согорување, за да ги однесат возилата во отпад и да ги заменат со нов електричен велосипед.
Мерката го доби потребното мнозинство на првичното гласање во Парламентот. Таа беше предложена од Владата во облик на измени и дополнувања на нацрт-законот насочен кон намалување на гасовите и ефектот на „стаклена градина“ за 40 отсто до 2030 година, во однос на нивото во 1990 година.
Доколку добие поддршка од пратениците на последното гласање за законот, Франција ќе стане првата земја во светот што ќе им понуди на граѓаните можност да заменат старо возило со електричен или велосипед на склопување, како што соопшти Француското здружение на корисници на велосипеди. си/сд/