Унгарија: Протест на опозицијата против Орбан
- Неколку десетици илјади луѓе се собраа денеска во Дебрецин на повик на унгарскиот дисидент Петер Маѓар на собир „во духот на револуцијата“ против премиерот Виктор Орбан.
![Унгарија: Протест на опозицијата против Орбан](https://mia.mk/index.php/images/20240505205255_big_730x400_3.webp )
Дебрецин, 5 мај 2024 (МИА) – Неколку десетици илјади луѓе се собраа денеска во Дебрецин на повик на унгарскиот дисидент Петер Маѓар на собир „во духот на револуцијата“ против премиерот Виктор Орбан.
Пред десетици илјади луѓе кои повикаа да се „избрка Орбан“ од власт, Унгарецот, поранешен висок владин функционер кој почна бунт, ја поздрави „унгарската пролет и ветерот на промените што никој не може да го спречи“.
Откако се појави на политичката сцена во февруари, Унгарецот вовлече неколку познати личности во својата борба, пренесува Бета.
Според експертите, од враќањето на Виктор Орбан на власт во 2010 година, Унгарија не доживеала такво протестно движење што претставува невиден предизвик за унгарскиот премиер.
По скандалот предизвикан со помилувањето на осуденик за педофилија, Петер Маѓар успеа да го искористи гневот на Унгарците.
Тој го формираше движењето Тиса (Почит и слобода), за кое тврди дека не е „ниту лево, ниту десничарско“. Според анкетите, тоа движење би можело да добие 25 отсто од гласовите.
Неговите поддржувачи веруваат дека неговата сила е што го познава системот одвнатре. Долгогодишен дипломат во Брисел, харизматичен 43-годишен адвокат, Маѓар живее со Џудит Варга, поранешната министерка за правда, со која има три деца.
Иако Виктор Орбан ја отфрла важноста на конкурентот, неговата партија „прави сè за да го уништи овој бран протести во корен“, изјави аналитичарот Золтан Лакнер. јт/
Фото: Х