Вашингтон, 13 август 2025 (МИА) - Белата куќа потврди дека американскиот претседател Доналд Трамп планира денеска да одржи онлајн состанок со украинскиот претседател Володимир Зеленски и европските сојузници, објави синоќа Би-Би-Си. 

Разговорот ќе се одржи пред средбата на Трамп со рускиот претседател Владимир Путин в петок во Алјаска.

Путин разговараше за претстојната средба со Трамп со севернокорејскиот лидер Ким Џонг Ун.

Руските медиуми, повикувајќи се на Кремљ, пишуваа дека тие преку телефон споделиле информации за самитот во Алјаска.

Русија и Северна Кореја ги продлабочија своите безбедносни врски откако започна инвазијата на Украина, а Пјонгјанг испрати војници да се борат на страната на Москва. мс/

фото: ДПА архива