Скопје, 12 февруари 2024 (МИА) - Судскиот совет на Република Северна Македонија денеска ќе ја одржи 477. седница на која ќе расправа за повеќе точки меѓу кои и за утврдување на конечна ранг листа за избор на судии на Апелационен суд Штип.

Членовите на советот треба да формираат Комисии за подготвување на кандидатски листи како и за утврдување на број на слободни судиски места за основните судови во Република Северна Македонија.
 
На седницата предвидено е да се донесе одлука за определување на ВД претседател на Основен суд Струга како и да се постапува по одлука на Управен суд.
 
Судскиот совет, меѓу другото, предвидено е да одлучува по известување од Комисија на известители по поднесено Барање за утврдување на одговорност на судија/претседател на суд како и да формира Комисии по поднесени Барања за утврдување на одговорност на судија/претседател на суд. бк/аа/

Фото: МИА архива