Средба на претседателот Пендаровски со Мајк Зафировски и претставници на „Македонија 2025“
- Претседателот Стево Пендаровски во неговиот Кабинет денеска имаше средба со Мајк Зафировски, ко-основач на „Македонија 2025“ и со претставници на организацијата на која се разговараше за закл
![Средба на претседателот Пендаровски со Мајк Зафировски и претставници на „Македонија 2025“](https://mia.mk/index.php/images/20221113140216_big_730x400_73.webp )
Скопје, 20 мај 2022 (МИА) - Претседателот Стево Пендаровски во неговиот Кабинет денеска имаше средба со Мајк Зафировски, ко-основач на „Македонија 2025“ и со претставници на организацијата на која се разговараше за заклучоците и за првичните реакции од 11-то издание на самитот на „Македонија 2025“, на кое во фокусот беа забрзаната дигитална трансформација, регионалната соработка и иновациите.
Пендаровски му се заблагодари на Зафировски и на останатите членови на „Македонија 2025“ за нивниот ангажман за придонес кон македонската економија, поттикнувајќи нови генерации на бизнис лидери, неопходни за развојот и иднината на Северна Македонија, соопшти неговиот Кабинет.
Соговорниците на средбата, како што се посочува во соопштението, изразија уверување дека „Македонија 2025“, заедно со државните институции, со граѓанскиот сектор, академската и бизнис заедница можат да придонесат за надминување на современите економски предизвици во нашата држава.
На средбата, шефот на државата му го врачил македонското државјанство на Мајк Зафировски. Зафировски е успешен светски бизнисмен, со македонско потекло кој живее и работи во САД. Заедно со други бизнисмени од дијаспората е основач на организацијата „Македонија 2025“, која има цел да го поттикнува економскиот развој и привлекувањето на странските инвеститори во Северна Македонија. ев/са/
![Пендаровски Македонија 2025](/articles/images/%d1%81%d1%80%d0%b5%d0%b4%d0%b1%d0%b0-%d0%bd%d0%b0-%d0%bf%d1%80%d0%b5%d/W85Y2cect/placeholder.webp?use_watermark=0)