Притоа, како што соопштија од владината прес-служба, вицепремиерката Грковска нагласила дека поддршката на ЕУ е исклучително важна во градењето на демократските капацитети за просперитет и економски напредок на Република Северна Македонија.

Таа потенцирала дека, меѓу другото, нејзиниот Кабинет е фокусиран на дигиталната трансформација на општеството, градење на транспарентни и ефикасни институции, како и креирање на антикорупциски политики.

Грковска нагласила и дека во наредниот период максимално ќе се ангажира во насока на дигитализацијата на процесите и услугите, зашто тоа е процес што директно влијае врз подобрување на квалитетот на живот на граѓаните. Потенцирала дека особен акцент става на изготвување на решенија кои ќе бидат долгорочни и одржливи и ќе обезбедат стандардизирани процеси во иднина.

Шефот на одделот за соработка Худолин потенцирал дека меѓуинституционалната соработка и координацијата се клучни за успешна реализација на проектите и за нивната одржливост.

На средбата се разговарало и за статусот на реализација на тековните и идни проекти во насока на дигитализација на процесите кај институциите, што се финансирани преку ИПА проектите, како и антикорупциските политики, стандардизација на процесите и спроведување на идни заеднички активности.

Воедно, на работната средба биле разгледувани и можностите за соработка и во однос на идните проекти кои би биле поддржани преку програмата ИПА 3.

Во тој контекст Худолин изразил подготвеност за продолжување на соработката и нагласил дека Кабинетот на Грковска има клучна улога при координацијата на проектите во кои се вклучени повеќе институции. сст/дма/