Сончево со умерена облачност и студено
![Сончево со умерена облачност и студено](https://mia.mk/index.php/images/20221105183116_big_730x400_9.webp )
Скопје, 15 јануари 2021 (МИА) - Времето ќе биде сончево со умерена облачност и студено. Ќе дува слаб до умерен ветер од северен правец, особено вдолж Повардарието. Кон крајот на денот ќе настапи зголемување на облачноста. Минималната температура ќе биде во интервал од -7 до 0, а максималната ќе достигне од -2 до 6 степени.
Во Скопје, сончево со умерена облачност и со слаб до умерен северен ветер. Минималната температура ќе се спушти до -4, а максималната ќе достигне до 3 степени.
За време на викендот и во почетокот на наредната седмица ќе преовладува претежно суво и многу студено време, со дневни температури кои во поголем дел од земјава ќе бидат под нулата. Ќе дува слаб до умерен, а вдолж Повардарието засилен северен ветер. Во сабота ќе има локални слаби врнежи од снег.