Северозападна Индија ја зафати топлотен бран, температурата во Њу Делхи достигна 47,1 степен
- Топлотен бран зафати делови од северозападна Индија, а главниот град Њу Делхи е ставен во состојба на готовност поради опасно топло време.
![Северозападна Индија ја зафати топлотен бран, температурата во Њу Делхи достигна 47,1 степен](https://mia.mk/index.php/images/20240519082104_big_730x400_41.webp )
Њу Делхи, 19 мај 2024 (МИА) - Топлотен бран зафати делови од северозападна Индија, а главниот град Њу Делхи е ставен во состојба на готовност поради опасно топло време.
Температурата во Њу Делхи достигна 47,1 степен Целзиусов, а блиските држави Пенџаб, Харајана и Раџастан исто така забележаа пораст на температурата што се очекува да се задржи во следните неколку дена.
Индискиот метеоролошки оддел ги предупреди луѓето да не излегуваат на Сонце во попладневните часови, да пијат многу вода и да носат соодветна облека. На ранливите лица, особено на постарите, им е препорачано да не излегуваат надвор.
Во април, мај и јуни секогаш има високи температури во поголемиот дел од Индија, но жештините станаа поинтензивни во текот на изминатата деценија. рп/
Фото: МИА архива