СДСМ: ВМРО-ДПМНЕ да си ја гледа соработката со ДУИ и да каже зошто го пушти Груби да избега
- СООПШТЕНИЕ - ВМРО-ДПМНЕ го боли фактот што после изборите им се откри вистинското лице, соработуваа со ДУИ, изгласаа четири закони заедно а потоа го пуштија Груби да побегне за сметка на оваа соработка.

Скопје, 15 јануари 2025
ВМРО-ДПМНЕ го боли фактот што после изборите им се откри вистинското лице, соработуваа со ДУИ, изгласаа четири закони заедно а потоа го пуштија Груби да побегне за сметка на оваа соработка. Ова е реалноста и сега мака мачат да го обвинуват СДСМ за некаква соработка со ДУИ.
СДСМ е партија која ќе грижи за своите интереси и интересите на граѓаните, а грижата за ДУИ му ја оставаме на ВМРО-ДПМНЕ. Наместо да го молат Груби да се вратат и да ги потценуваат граѓаните, треба да одговорат: Која е цената што го пуштија да избега и дали е тоа дел од соработката која ја имаа последниот период?
Разбираме дека им пропадна пропагандната мантра СДСМ и ДУИ, но тоа не е наш проблем. Разбираме и дека со бегството на Груби граѓаните со право се сомневаат и ја препознаа нивната тајна соработка и сега не веруваат во пискотниците на Тошковски и Мицкоски. ВМРО-ДПМНЕ е една лажна партија која освен пропаганда и лаги не нуди ништо конкретно за граѓаните, ниту има политики со кои може да се пофали.
СДСМ
________________________________________________________________________________________
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки
Фото: МИА архива