Рјабков: Русија не се плаши од санкции на САД
- Рускиот заменик министер за надворешни работи Сергеј Рјабков денеска изјави дека Москва не се плаши од можни санкции на САД поради договорот за вооружување со Иран.
![Рјабков: Русија не се плаши од санкции на САД](https://mia.mk/index.php/images/20221104202847_big_730x400_64.webp )
Москва, 21 септември 2020 (МИА) - Рускиот заменик министер за надворешни работи Сергеј Рјабков денеска изјави дека Москва не се плаши од можни санкции на САД поради договорот за вооружување со Иран.
- Не се плашиме од американските санкции, навикнати сме на нив. Тоа нема да влијае на нашата политика на кој било начин. Нашата соработка со Иран е повеќекратна, одбранбената соработка ќе напредува во зависност од потребите и меѓусебната волја на двете земји, рече Рјабков.
Како што пренесуваат странските агенции, САД на 21 септември ќе санкционираат 20 лица поврзани со иранската програма за нуклеарно, ракетно и конвенционално оружје. паг/