Русија предупреди дека авионите Ф-16 ќе доведат до ескалација на војната
- Русија ја осуди одлуката на Данска и Холандија да донираат борбени авиони Ф-16 на Украина, предупредувајќи дека тоа ќе доведе до ескалација на конфликтот.
![Русија предупреди дека авионите Ф-16 ќе доведат до ескалација на војната](https://mia.mk/index.php/images/20230821114429_big_730x400_90.webp )
Копенхаген, 21 август 2023 (МИА) - Русија ја осуди одлуката на Данска и Холандија да донираат борбени авиони Ф-16 на Украина, предупредувајќи дека тоа ќе доведе до ескалација на конфликтот.
-Фактот што Данска сега одлучи да донира 19 авиони Ф-16 на Украина води кон ескалација на конфликтот. Криејќи се зад премисата дека Украина самата мора да ги одреди условите за мир, Данска сака со своите постапки и зборови да постигне дека Украина нема друг избор освен да го продолжи воениот конфликт со Русија, изјави рускиот амбасадор Владимир Барбин, пренесоа данските медиуми.
Данска и Холандија вчера објавија дека ќе и дадат на Украина авиони Ф-16. Првите шест авиони ќе бидат испорачани околу Нова година.
Данскиот министер за одбрана Јакоб Елеман-Јенсен изјави дека Украина ќе може да ги користи донираните авиони Ф-16 само на своја територија. мс/
фото: МИА архива