Скопје, 14 ноември 2024 (МИА) - ЦНВП Северна Македонија денеска и утре во Маврово организира регионална конференција „Одржливо користење на природните ресурси во Шара, Кораб Коритник и Албанските Алпи“, финансиски поддржана од ПОНТ. 

На конференцијата се очекува присуство на околу 100 учесници, а на сесиите ќе дискутираат експерти од областа на туризмот, биодиверзитетот, и ќе бидат презентирани успешни приказни на локални организации и бизниси (грантисти на ЦНВП/ПОНТ) од Северна Македонија, Албанија и Косово.

Целта на конференцијата, како што истакнуваат од ЦНВП, е на едно место да се сретнат сите релевантни чинители од регионот  кои се занимаваат со заштита на животната средина и одржливо користење на природните ресурси.са/

Фото: ЦНВП