Прилепскиот архив ги претставува државниот архив и земјава на меѓународната недела на архивите заедно со 199 земји
- Со денешната изложба на документи во Прилепскиот архив за академскиот уметник Слободан Михајловски, Архивот влезе во меѓународниот каталог на настани за одбележување меѓународната недела на а
![Прилепскиот архив ги претставува државниот архив и земјава на меѓународната недела на архивите заедно со 199 земји](https://mia.mk/index.php/images/20221113153030_big_730x400_42.webp )
Прилеп, 8 јуни 2022 (МИА) - Со денешната изложба на документи во Прилепскиот архив за академскиот уметник Слободан Михајловски, Архивот влезе во меѓународниот каталог на настани за одбележување меѓународната недела на архивите, од 6 до 10 јуни. Воедно, прилепскиот ги претставува државниот архив и земјава меѓу 199 земји.
![Прилепски архив](/articles/images/%d0%bf%d1%80%d0%b8%d0%bb%d0%b5%d0%bf%d1%81%d0%ba%d0%b8%d0%be%d1%82-%d0/hXkfsRk7w/placeholder.webp?use_watermark=0)
Според Елена Чагороска, раководител на прилепскиот архив, тоа е голема чест и реномето на архивот последниве години е оправдано со бројните настани и истражувања.
- Оваа изложба е на документи за еден од првите академски сликари и меѓу првите уметници. Михајлоски во 1958 година ја основал ликовната група во прилеп, градот кој важи за за мека на уметноста и уметниците. Последниве години имавме бројни настани, лани го свртивме вниманието на јавноста со документите од Илинденскиот период и сега ги претставуваме и државниот архив и земјава во светот на меѓународната недела помеѓу 199 други земји, рече Чагороска при отворањето на изложбата.
Емил Крстески, директор на Државниот архив на Македонија нагласува дека истражувањето на документите е и откривањето на нашиот идентитет, а насловот на меѓународната недела на архивите е соодветен „Архивите, тоа сме ние“. Сега се работи на документирање приватни фондови на познати македонски дејци кои ќе расветлат одредени историски периоди.
- Работиме на добивање на дел од документацијата за Горан Стефановски, во контакт сме со наследниците на општесњтвениот работник Страхил Гигов, како и со семејството на поетот Анте Поповски. Освен документацијата, има и нивни преписки со значајни личности што треба да осветли дел од еден историски период од културата, уметноста, од општественото живеење, изјави Крстески.
![Прилепски архив](/articles/images/%d0%bf%d1%80%d0%b8%d0%bb%d0%b5%d0%bf%d1%81%d0%ba%d0%b8%d0%be%d1%82-%d0/XS9DrsoAi/placeholder.webp?use_watermark=0)
Инаку, во архивот граѓаните, главно се интересираат за утврдување на работниот стаж, а во последно време се зголеми интересот за откривање на семејното потекло. Годишно има околу 50 барања, а на ова работат 10-тина истражувачи. Прилепскиот архив е надлежен за шест општини, има 605 фонда и 9 збирки, а најстариот документ е од 1788 година.ем/сх/