Почна Европското првенство во ракомет за жени, Франција прв противник на македонската рапрезентација
- Со воведните натпревари во групите А и Б вечерва започна 15. Европско ракометно првенство во женска конкуренција, чии домаќини се Скопје, Подгорица, Љубљана и Цеље.
![Почна Европското првенство во ракомет за жени, Франција прв противник на македонската рапрезентација](https://mia.mk/index.php/images/20221114022335_big_730x400_35.webp )
Љубљана, 4 ноември 2022 (МИА) – Со воведните натпревари во групите А и Б вечерва започна 15. Европско ракометно првенство во женска конкуренција, чии домаќини се Скопје, Подгорица, Љубљана и Цеље.
Во групата А, Унгарија ја совлада Швајцарија со 33-28, додека кодомаќинот Словенија триумфираше над Данска со 28-26.
Македонските ракометарки се во групата Ц во рамки на која утре со почеток во 18 часот во салата „Борис Трајковски“ за противник ќе го имаат актуелниот олимписки шампион Франција.
Во истиот термин в понеделник „црвено жолтите“ ќе играат против Холандија, додека групната фаза ќе ја заокружат против Романија, на 9 ноември (18 часот). ег/дма/