Лос Анџелес, 9 декември 2024 (МИА) – Најдобриот кошаркар на Лос Анџелес лејкерс, Леброн Џејмс го пропушти првиот натпревар од сезоната 2024/25 поради повреда на ногата.

На натпреварот против Портланд трејл блејзерс, кој се одигра утринава, 39-годишниот кошаркар не влезе на теренот. Лејкерси на домашен терен победија со 107:98.

Најефикасен играч на средбата беше Ентони Дејвис, кој постигна 30 поени. Леброн претходно изјави дека има намера да игра на сите 82 натпревари во сезоната, ако тоа му го дозволи здравјето. 

Во сезоната 2024/25, Џејмс настапи на 23 натпревари, со просек од 23 поени по натпревар, 8 скока и 9,1 асистенции. 

Лос Анџелес Лејкерс моментално е на осмото место во поредокот на Западната конференција. зс/

Фото: ЕПА