Поради ерупција на вулкан во Нов Зеланд утринава се откажани десет летови
- Владините научници предупредија дека активноста на Вакари, како што го нарекуваат домородните Маори во земјата, може да продолжи „недели до месеци“ што доаѓаат.
![Поради ерупција на вулкан во Нов Зеланд утринава се откажани десет летови](https://mia.mk/index.php/images/20240822090014_big_730x400_1.webp )
Велингтон, 22 август 2024 година (МИА) - Десет летови се откажани утринава поради ерупција на вулкан во Нов Зеланд, соопшти локалната авиокомпанија Ер Нов Зеланд, додавајќи дека сообраќајот се нормализира.
Вулканот White Island (Бел остров) се наоѓа на околу 50 километри од брегот на Северниот остров и 200 километри од Окленд, најнаселениот град во Нов Зеланд. Владините научници предупредија дека активноста на Вакари, како што го нарекуваат домородните Маори во земјата, може да продолжи „недели до месеци“ што доаѓаат.
Поради пепелта што ја исфрли вулканот откажани се 10 летови, а портпаролот на авиокомпанијата потврди дека сообраќајот е воспоставен по подобрување на состојбата.
Во ерупцијата на вулканот Бел Остров во 2019 година загинаа 22 лица. ссм/
фото: архива