Битола, 31 октомври 2022 (МИА) - Полициската станица од општа надлежност - Битола информира дека во текот на првото полугодие од 2022 година безбедносната состојба на тоа подрачје се оценува како поволна. Според извештајот, состојбата во областа на јавниот ред и мир во текот на првото полугодие е стабилна и не се регистрирани нарушувања во поголем обем, додека јавните собири на граѓаните се одржани мирно без инциденти и не се предизвикани безбедносни импликации. На подрачјето на ПС од ОН Битола во текот на првото полугодие од 2022 година сторени се 134 прекршоци, а најзастапени прекршоци според видот се физички напад 45, учество во тепачка 14, оддавање на пијанство на јавни места, три прекршоци фрлање и кршење на разни предмети, 21 прекршување омаловажување на полициски службеници и други. Како причина за извршување на прекршоците од областа на јавниот ред и мир се влошени меѓучовечки односи, нерешени имотно-правни односи, нарушени семејни односи, прекршок под дејство на алкохол и други, посочуваат од СВР-Битола. Најголем број од сторителите на прекршоци се невработени лица, вкупно 164, а по однос на старосната структура, најголем дел се лица постари од 25 години. Од Полиската станица со Општа надлежност - Битола најавуваат дека во наредниот период заради обезбедување на стабилен јавен ред и мир на подрачјето ќе се преземаат зајакнати мерки и активности со покривање на сите пунктови и жаришта каде може да дојде до нарушување на јавниот ред и мир. мт/фф/