Рим, 24 декември 2024 (МИА) – Папата Франциск денеска ја отвори светата врата на базиликата Свети Петар во Ватикан, со што се одбележува официјалниот почеток на јубилејната година на Католичката црква.

Во церемонијата на Бадник богата со симболика, 88-годишниот понтиф, кој се движи во инвалидска количка поради тешка состојба на коленото, неколку пати тропнал на тешката бронзена врата. Помошниците потоа ја отвориле одвнатре.

Малку пред тоа, папата застана за момент во тивка молитва додека седеше на прагот од вратата. Откако се отвори вратата, тој беше однесен преку прагот во базиликата.

На секои 25 години, Католичката црква слави посебна света година позната како јубилеј.

За време на јубилејот, католичките верници можат да добијат прошка за своите гревови преку молитва и покајание. Ова исто така вклучува аџилак во Рим и поминување низ Светите Порти.

Јубилејот во 2025 година официјално завршува на 6 јануари 2026 година. јт/

Фото: ЕПА