Отворена изложбата по повод Денот на пролетта и Деновите на екологијата
- На изложбата се претставени преку четириесетина творци, со преку педесетина дела во различни техники - слики, графики, скулптури, колажи, нови медиуми, дигитални принтови, колажи, асамблажи и
![Отворена изложбата по повод Денот на пролетта и Деновите на екологијата](https://mia.mk/index.php/images/20221112152834_big_730x400_88.webp )
Скопје, 21 март 2022 (МИА) - Во големиот салон на Галерија „КО-РА“ денеска е отворена изложбата по повод Денот на пролетта и Деновите на екологијата, на која се претставени дела на повеќе уметници од државава, но и странство.
Како што информираат организаторите, на изложбата се претставени преку четириесетина творци, со преку педесетина дела во различни техники - слики, графики, скулптури, колажи, нови медиуми, дигитални принтови, колажи, асамблажи и фотографии.
- Оваа традиционална мултимедијална изложба која Домот на култура „КОЧО РАЦИН“ -Скопје како предвесник на оваа глобална проблематика почнува да ја организира уште од 1991 година евидентно се надоградуваа со се поголем број учесници како од земјата така и од надвор со единствена и заедничка цел да се се побуди свеста за значењето на оваа актуелна проблематика од глобално значење за опстанокот на нашата планета Земја, а воедно и да се се поттикнува и заедништвото и креативната визијата кај секој поединец, за дејствување во сите сфери на општеството ширум светот, за одржлив развиток за редефинирање на нашата свест и нашиот однос кон природата и запазување на најзагрозените видови и енергетски ресурси, истакнала Виолета Калиќ, која е куратор на овој проект.
Оваа година помеѓу учесниците се Моника Радхоф Трол ( Германија), Ирена Паскали (Германија), Поул Венг (САД), Рон Мејерс (САД), Тепо Корте (Финска) Петра Јовановска, (Чешка), Здравко Кокановиќ (Словенија), Гордана Квајо (Хрватска), Бојана Ромеро (САД), Виктор Бранѓолица (Хрватска/Северна Македонија) и повеќе уметници од земјава.
Во малиот салон на Галерија КО-РА е отворена изложбата на уникатни креации од познатата уметница од постарата генерација Мира Спировска, како и креации инспирирани од творештвото на графичарката м-р Жанета Р.Спировска. свс/сп/
![thumbnail_уникатните креации на Мира Спировска и и Жанета Р.Спировска](/articles/images/%d0%be%d1%82%d0%b2%d0%be%d1%80%d0%b5%d0%bd%d0%b0-%d0%b8%d0%b7%d0%bb%d0/qMrNMw6nZ/placeholder.webp?use_watermark=0)
![thumbnail_гости и од Р.Хрватска на отворањето на изложбата](/articles/images/%d0%be%d1%82%d0%b2%d0%be%d1%80%d0%b5%d0%bd%d0%b0-%d0%b8%d0%b7%d0%bb%d0/cqDq0mBSx/placeholder.webp?use_watermark=0)