Османи меѓу 13 министри за надворешни работи со уникатна твитирана верзија на украинската химна по повод Денот на независноста
- Министерот за надворешни работи Бујар Османи денеска се приклучи на меѓународната иницијатива за одбележување на Денот на независноста на Украина, 24 август.
![Османи меѓу 13 министри за надворешни работи со уникатна твитирана верзија на украинската химна по повод Денот на независноста](https://mia.mk/index.php/images/20231115075156_big_730x400_19.webp )
Скопје, 24 август 2023 (МИА) - Министерот за надворешни работи Бујар Османи денеска се приклучи на меѓународната иницијатива за одбележување на Денот на независноста на Украина, 24 август.
Во рамки на одбележувањето, Османи се приклучи на иницијативата на украинскиот министер за надворешни работи, Дмитро Кулеба, која ја поддржаа голем број на министри за надворешни работи.
Како што информира МНР, Османи се надоврза на нишката од стихови на украинската химна која ја започна Кулеба на неговиот профил на социјалната мрежа „X“, а на која се надоврзаа светските шефови на дипломатијата.
-Ова е уште еден симболичен гест кој ја потврдува поддршката што Северна Македонија и ја дава на Украина за заштита и одбрана на нејзиниот суверенитет и територијален интегритет кој е под напад од руската воена агресија, наведува МНР.
Во знак на поддршка, на зградата на МНР вчера беше поставено и украинското знаме во чест на Денот на државното знаме на Украина. мч/лв/