Орбан: Западот сака да ја глобализира војната во Украина
- -Конфликтот мора да биде изолиран, но западните земји сакаат да ја глобализираат војната, изјави Орбан за јавниот сервис, пренесува МТИ.
![Орбан: Западот сака да ја глобализира војната во Украина](https://mia.mk/index.php/images/20230929084819_big_730x400_88.webp )
Будимпешта, 29 септември 2023 (МИА) - Унгарскиот премиер Виктор Орбан денеска изјави дека Западот сака да ја глобализира војната во Украина.
-Конфликтот мора да биде изолиран, но западните земји сакаат да ја глобализираат војната, изјави Орбан за јавниот сервис, пренесува МТИ.
Премиерот Орбан додаде дека ќе се докаже дека Унгарија била во право за војната во Украина и дека Западот не успеал мирно да ја процени ситуацијата на теренот.
-Можете да војувате само ако имате јасна цел и знаете кои алатки ќе ги користите. Во спротивно, политиката не може да ги објасни изгубените животи, рече унгарскиот премиер. сд/
фото:МИА архива