Објавена книгата „Научно културни мостови со Грција“ на Вера Стојчевска Антиќ
- Книгоиздателството „Култура“ ја објави книгата „Научно културни мостови со Грција“ од професорката Вера Стојчевска Антиќ.
![Објавена книгата „Научно културни мостови со Грција“ на Вера Стојчевска Антиќ](https://mia.mk/index.php/images/20221105191900_big_730x400_86.webp )
Скопје, 26 јануари 2021 (МИА) - Книгоиздателството „Култура“ ја објави книгата „Научно културни мостови со Грција“ од професорката Вера Стојчевска Антиќ.
Професорката во 2015 година во Солун го промовирала делото со поетски и прозни дела посветени на Светите Кирил и Методиј, Светите Климент и Наум Охридски од современи македонски автори преведени на грчки јазик, со промотор академик Емил Тахиаос.
Истата година, Стојчевска Антиќ била поканета од Универзитетот „Македонија“ во Солун и пред солунските студенти одржа предавање за богомилското движење на македонски јазик.
За Блаже Конески таа говорела пред бројната публика и пред грчкиот поет Коста Валетас, кој го поставил Конески во рангот на најпознатите светски автори. бт/сп/