Нетанјаху: Го поддржувам продолжувањето на примирјето, но штом заврши ќе ги постигнеме нашите цели
- Израелскиот премиер Бенјамин Нетанјаху вчера му рече на американскиот претседател Бајден дека можноста за продолжување на примирјето со Хамас би била добредојдена во замена за продолжување на ослободувањето на десет заложници дневно од Газа.
![Нетанјаху: Го поддржувам продолжувањето на примирјето, но штом заврши ќе ги постигнеме нашите цели](https://mia.mk/index.php/images/20231127084954_big_730x400_50.webp )
Тел Авив, 27 ноември 2023 (МИА) - Израелскиот премиер Бенјамин Нетанјаху вчера му рече на американскиот претседател Бајден дека можноста за продолжување на примирјето со Хамас би била добредојдена во замена за продолжување на ослободувањето на десет заложници дневно од Газа.
-Вечерва вративме уште една група заложници, жени и деца и трогнати сме од се срце, целата нација, кога го гледаме ова семејно обединување. Тоа само ја допира душата. Постои и нацрт кој вели дека е можно да се ослободуваат дополнителни десет заложници секој ден. Тоа би било добредојдено, рече Нетанјаху.
Тој посочи оти му рекол на Бајден дека ако и кога ќе заврши примирјето, Израел „ќе тргне со полна сила за да ги постигне целите: да го елиминира Хамас, да се погрижи Газа никогаш да не се врати на она што беше и да ги ослободи сите нивни заложници“. мс/
фото: МИА архива