На патеката кон Пониква се возеше ридско-брзинската трка „Кочани 2022“
- На регионалниот патен правец од Кочани кон планинскиот рекреативен центар Пониква попладнево се возеше ридско-брзинска трка во рамки на Државниот шампионатот во автомобилизам што се бодува и
![На патеката кон Пониква се возеше ридско-брзинската трка „Кочани 2022“](https://mia.mk/index.php/images/20221113212841_big_730x400_83.webp )
Кочани, 4 септември 2022 (МИА) – На регионалниот патен правец од Кочани кон планинскиот рекреативен центар Пониква попладнево се возеше ридско-брзинска трка во рамки на Државниот шампионатот во автомобилизам што се бодува и за ФИА - зона на Централна Европа.
На патеката долга 5,9 километри, во четири класи, учествуваа 26 возачи од Македонија, Србија, Црна Гора, Бугарија и Косово.
Организатор на натпреварот беше АКК „Перформанс“ од Скопје, во соработка со Автомобилистичката федерација на Македонија, Здружението на возачите – Кочани и Општина Кочани.
Подготвеноста на патеката беше одлична, а во најниската класа Е1-1400 најбрз беше Наков Георгиј, член на клубот организатор на трката, кој со возилото застава југо патеката ја помина со време од 4:03.13. Неговиот клупски колега Слободан Трајковски, во класата Е1-1600, исто така со застава југо оствари најдобар резултат од 3:34.10.
Во класата Е1-2000 победи уште еден возач на АКК „Перформанс“, Александар Ангеловски, кој со возилото со хонда сивик возеше 3:31.50.
Меѓу донашните возачи во најсилната класа Е1+2000 патеката најбрзо ја помина Влатко Костовски од АКК „Проспорт“ со возилото опел астра, возејќи 3:34:13.
Кочанскиот возач Донче Иванов, кој со застава југо настапува за АКК Фичо 600 од Скопје, во првото возење излета од патеката и остана без пласман, додека Дејан Манасиев од Кочани во клчасата Е1-1200 со рено клио беше четвртопласиран. та/лв/
![thumbnail_avto trka Ponikva2](/articles/images/%d0%bd%d0%b0-%d0%bf%d0%b0%d1%82%d0%b5%d0%ba%d0%b0%d1%82%d0%b0-%d0%ba%d/ylp9B2Fx6/placeholder.webp?use_watermark=0)
![thumbnail_avto trka Ponikva](/articles/images/%d0%bd%d0%b0-%d0%bf%d0%b0%d1%82%d0%b5%d0%ba%d0%b0%d1%82%d0%b0-%d0%ba%d/uZ4bB7mIY/placeholder.webp?use_watermark=0)