Најстудено во Берово, Лазарополе и Попова Шапка
- Во Берово, Лазарополе и Попова Шапка утрово е најстудено, - 3 степени, а натопло во Гевгелија пет степени.
![Најстудено во Берово, Лазарополе и Попова Шапка](https://mia.mk/index.php/images/20240315075830_big_730x400_47.webp )
Скопје, 15 март 2024 (МИА) - Во Берово, Лазарополе и Попова Шапка утрово е најстудено, - 3 степени, а натопло во Гевгелија пет степени.
Како што соопшти УХМР, до 7:30 часот -2 степени се измерени во Маврови Анови, 0 во Крива Паланка, 1 во Скопје-Петровец, Тетово, Штип, Демир Капија, Струмица, Крушево, два во Претор, Виница и Куманово, три во Скопје-Зајчев Рид, Охрид, Битола, Прилеп, Велес и Кавадарци.
Управата за хидрометеоролошки работи информира дека во изминатите 24 часа најмногу дожд, 1 литар на метар квадратен наврнал во Битола.
Времето во текот на ноќта и изутринава беше поменливо облачно со слаб ветер од променлив правец.
Времето денеска ќе биде променливо облачно со сончеви периоди. Ќе дува слаб до умерен ветер од северозападен правец Максималната температура ќе биде во интервал од 12 до 19 степени.
Во Скопје променливо облачно со сончеви периоди и претежно тивко. Максималната температура ќе достигне 17 степени. мд/цр/
Фото: МИА архива