Најмалку четворица загинати и 30 ранети во нападот во училиште во САД
- Најмалку четири лица загинаа, а околу триесет се повредени во денешното пукање во средно училиште во американската држава Џорџија, јави Си-Ен-Ен.
![Најмалку четворица загинати и 30 ранети во нападот во училиште во САД](https://mia.mk/index.php/images/20240904211129_big_730x400_93.webp )
Атланта, 4 септември 2024 (МИА) – Најмалку четири лица загинаа, а околу триесет се повредени во денешното пукање во средно училиште во американската држава Џорџија, јави Си-Ен-Ен.
Некои од повредените луѓе во средното училиште Апалачи во Виндер, не настрадале само од пукањето, туку и од повредите здобиени при бегство. Канцеларијата на шерифот на округот Бароу соопшти дека осомничениот е уапсен.
Ситуацијата сега е под контрола, а учениците се пуштени дома, соопшти кабинетот на локалниот шериф.
Белата куќа соопшти дека претседателот Џо Бајден бил запознаен со инцидентот и оти владата ќе продолжи да се координира со „федералните, сојузните и локалните функционери“. јт/
Фото: Скриншот