Најмалку три лица загинаа при експлозија на бомба во северозападен Пакистан
- Во експлозија на бомба во северозападен Пакистан загина поранешниот пратеник Хабитулах Кан и уште две лица, додека двајца се повредени
![Најмалку три лица загинаа при експлозија на бомба во северозападен Пакистан](https://mia.mk/index.php/images/20240703180908_big_730x400_80.webp )
Исламабад, 3 јули 2024 (МИА) – Во експлозија на бомба во северозападен Пакистан загина поранешниот пратеник Хабитулах Кан и уште две лица, додека двајца се повредени.
Инцидентот се случил додека Кан патувал на политички собир, а неговото возило наишло на бомба во областа Баџур, во провинцијата Хајбер Пахтунква во близина на границата со Авганистан.
За нападот сè уште никој не презел одговорност, а пакистанските талибанци соопштија дека не се вмешани во инцидентот. До неодамна, Баџур беше упориште на терористичката група Тарик-е-Талибан Пакистан (ТТП), сојузник на авганистанските талибанци. ми/
фото: МИА архива