Конференција „Следното големо проширување на Европа: Придонес за мирот или предизвик за стабилноста на Европа“
- Конференцијата е по повод 101 години Паневропско движење во Европа и 30 години од основањето на Паневропската Унија на Македонија.
![Конференција „Следното големо проширување на Европа: Придонес за мирот или предизвик за стабилноста на Европа“](https://mia.mk/index.php/images/20240126174820_big_730x400_2.webp )
Скопје, 27 јануари 2024 (МИА) - Меѓународна конференција на тема „Следното големо проширување на Европа: Придонес за мирот или предизвик за стабилноста на Европа“ ќе се одржи денеска во Скопје, во организација на Паневропската унија на Македонија, а во соработка со Паневропската Унија на Австрија.
Конференцијата е по повод 101 години Паневропско движење во Европа и 30 години од основањето на Паневропската Унија на Македонија.
Од Паневропска Унија на Македонија информираат дека конференцијата има за цел да поттикне сеопфатен дијалог за импликациите од следното големо проширување на Европа, а ќе се осврне на потенцијалните придонеси за мирот и за предизвиците кои се поставуваат за иднината на Европа.
На конференцијата ќе говорат претставници од Меѓународната Паневропска унија, политички експерти и професори, меѓу кои и претседателот на Меѓународна Паневропска Унија, Ален Тереноар, претседателот на Паневропска Унија на Македонија, Андреј Лепавцов, претседателот на ВМРО-ДПМНЕ, Христијан Мицкоски, професорот на Економски факултет Скопје, Љубомир Кекеновски, како и претседателот на Стопанската комора на Македонија, Бранко Азески.
Учесниците на конференцијата ќе дебатираат за влијанието на проширувањето на ЕУ врз мирот и стабилноста во Европа, за економските, политичките и социјалните предизвици наметнати од проширувањето на ЕУ- развој на индустријата, енергија, демографија, миграција и за уогата на земјите кандидати во иднината на Европа. дма/бак/
Фото: МИА архива