Намалено вкупното производство на шумски производи
- Вкупното производство на шумски производи во државните шуми во второто тримесечје од 2024 година изнесува 100 280 метри кубни и во однос на второто тримесечје од 2023 година е намалено за 7,8 отсто.
![Намалено вкупното производство на шумски производи](https://mia.mk/index.php/images/20240830160329_big_730x400_7.webp )
Скопје, 30 август 2024 (МИА) - Вкупното производство на шумски производи во државните шуми во второто тримесечје од 2024 година изнесува 100 280 метри кубни и во однос на второто тримесечје од 2023 година е намалено за 7,8 отсто.
Според Државниот завод за статистика, зголемување на шумското производство е забележано кај трупците од иглолисни и листопадните видови, рудничкото дрво од иглолисни и листопадните видови и кај просторното дрво од иглолисните видови.
Намалување на шумското производство е забележано кај друго обло дрво од иглолисните видови и кај огревното дрво од иглолисни и листопадните видови.
Во истиот период продажбата на шумски сортименти изнесува 82 518 метри кубни и бележи зголемување за 0,3 отсто. мч/са/
фото: МИА архива