Можностите за инвестирање во Северна Македонија во фокусот на разговорите на Битиќи со амбасадорот на Луксембург, Донкел
- Заменикот на претседателот на Владата задолжен за економски прашања, координација на економските ресори и инвестиции, денеска го прими амбасадорот на Големото Војводство Луксембург, Филип Дон
![Можностите за инвестирање во Северна Македонија во фокусот на разговорите на Битиќи со амбасадорот на Луксембург, Донкел](https://mia.mk/index.php/images/20221108173233_big_730x400_90.webp )
Како што соопштија од кабинетот на вицепремиерот, амбасадорот Донкел ја потврди поддршката на Големото Војводство Луксембург за перспективата за европска интеграција за сите земји од Западен Балкан, вклучувајќи ја и Република Северна Македонија и притоа потенцираше дека е посветен за зајакнување на одличните односи меѓу двете земји и нивно интензивирање во политичката, економската и културната сфера.
![битики донкел](/articles/images/%d0%bc%d0%be%d0%b6%d0%bd%d0%be%d1%81%d1%82%d0%b8%d1%82%d0%b5-%d0%b7%d0/1VrNHWCZH/placeholder.webp?use_watermark=0)
Вицепремиерот Битиќи, пак, посочи дека Владат на Република Северна Македонија континуирано работи на унапредување на бизнис климата во земјата, како и дека постојат голем број мерки за стимулирање на нови домашни и странски инвестиции, особено во производството со додадена вредност, како и дека постојат одлични можности за реализација на инвестиции во енергетскиот сектор.
-Битиќи и Донкел се согласија дека ќе продолжат да ја негуваат и унапредуваат соработката помеѓу двете земји и дека ќе се посветат на реализација на потенцијалите за економска соработка помеѓу двете земји, стои во соопштението. вг/са/