![МИА Најави МКД](https://mia.mk/index.php/images/20221128062757_big_730x400_3.webp )
Скопје - Министерството за информатичко општество и администрација ќе одржи конференција во врска со реорганизацијата на министерските системи за информатичко општество и администрација, економија и земјоделство, шумарство и водостопанство. (х.„Александар Палас“/10:00)
Скопје - Заменик претседателот на Владата задолжен за европски прашања Бојан Маричиќ ќе се обрати на панел дискусијата „Зелена агенда-Обновливи ресурси, македонска храна, европски пазари“ посветена на годишниот Извештај на Европската комисија за Република Северна Македонија за 2022 година „На европскиот пат: Нови реформи, нови можности". (х.„Лимак“/10:30, изјави за медиуми/11:50-12:10)
Скопје - Министерката за труд и социјална политика Јованка Тренчевска ќе ја отвори конференцијата „Нови форми на вработување на променливиот пазар на трудот“, во организација на Меѓународната организација на трудот, Здружението за трудово и социјално право и Импакт фондацијата. (х.„Холидеј ин“/9:00)
Скопје - Втор самит за женско претприемништво „Инспиративна иднина“ во организација на Национална платформа за женско претприемништво. (Рагуза 360-Rooftop/10:00) Скопје - Панел дискусија во организација на Лулка по повод одбележување на Светскиот ден на предвременото породување 17. Ноември. (х.„Мериот“/, изјави за медиуми/14:00) Скопје - Институтот за филозофија при Филозофскиот факултет во Скопје и Филозофското друштво на Македонија по 19. пат ќе го одбележат Светскиот ден на филозофијата. (Филозофски факултет/10:00, втората сесија од симпозиумот ќе може да се следи и преку Zoom-платформата https://us06web.zoom.us/j/82180947752?pwd=cm5MTy9UYmlMODVoV1pZQkRCL2toUT09/15:30-17:30) Тетово - На Универзитетот во Тетово свечено ќе биде отворена Истражувачка лабораторија за психологија. (Филозофски факултет на УТ/11:00) Скопје - Марш на универзитетските студентски собранија при УКИМ, Штуловиот универзитет, ФОН, Американ колеџ, ФОП, универзитетите од Битола и Штип и движењето „Студентски отпор“. (од Влада до МОН/17:30)