Мексико Сити, 5 декември 2024 (МИА) - Мексиканските власти објавија дека за еден ден привеле 5.234 мигранти низ целата земја.

Операцијата ја изведоа морнарицата и армијата, како и имиграциските власти.

Овој потег доаѓа во време на притисок од новоизбраниот американски претседател Доналд Трамп врз Мексико да ги засили напорите да ги спречи мигрантите да доаѓаат во САД. Трамп се закани дека ќе воведе увозни тарифи од 25 отсто на мексикански стоки доколку земјата не го запре протокот на мигранти и дрога преку границата. мс/

фото: МИА архива