Рим, 7 октомври 2022 (МИА) - Поранешниот француски фудбалски репрезентативец Франк Рибери одлучи да стави крај на професионалната кариера, јави денеска Скај спорт. Рибери (39) е член на Салернитана, а со италијанскиот клуб има договор до крајот на сезоната. Скај Спорт објави дека Рибери одлучил да ја прекине кариерата поради проблеми со повредите и одлуката наскоро и официјално ќе ја објави. Францускиот фудбалер сезонава поради проблеми со коленото одигра само 36 минути. Рибери во кариерата настапуваше за Булоњ, Алес, Брест, Мец, Галатасарај, Марсеј, Баерн Минхен, Фиорентина и Салернитана. Најголем печат остави во Баерн освојувајќи со клубот од Минхен вкупно 23 трофеи. Во дресот на француската репрезентација што го носеше од 2006 до 2014 година одигра 81 натпревари и постигна 16 голови. ег/ми/