Скопје, 17 јануари 2021 (МИА) - Вчера во 18:50 часот на подрачјето на Аеродром, полициски службеници од СВР Скопје ги лишиле од слобода Ф. Ц. (18), И. Ц. (19) и М. С. (41), сите од Скопје, поради сомнение за сторено кривично дело „неовластено производство и пуштање во промет на наркотични дроги, психотропни супстанции и прекурсори“ по член 215 од Кривичниот законик. При преглед кај нив била пронајдена марихуана, а по целосно документирање на случајот против нив ќе биде поднесена соодветна пријава, информираат од МВР. Во село Другово, кичевско, вчера во 21:45 часот полициски службеници од Полициската станица Кичево ги лишиле од слобода И. Ј. (26) и Б. Т. (21), двајцата од Кичево, затоа што при преглед на патничко возило „хонда“, со кичевски регистарски ознаки, во кое се превезувале двајцата, била пронајдена марихуана.  Тие биле приведени во полициска станица и по целосно документирање на случајот против нив ќе биде поднесена соодветна пријава. Вчера во 14:30 часот на патарина Тетово-Гостивар, полициски службеници од СВР Тетово ја лишиле од слобода М. Б. (22) од Република Албанија, затоа што при преглед кај неа била пронајдена марихуана. Таа била приведена во полициска станица и по целосно документирање на случајот против неа ќе биде поднесена соодветна пријава. Во Прилеп, вчера во 21:00 часот полициски службеници од ОВР Прилеп го лишиле од слобода Ш. В. (26) од Велес, со привремено живеалиште во Прилеп, затоа што бил затекнат при извршување разбојничка кражба во куќа, сопственост на П. Б. од Прилеп. Тој бил приведен во полициска станица и по целосно документирање на случајот против него ќе биде поднесена соодветна пријава. Вчера во 12:25 часот во Полициската станица Аеродром, Ј. Б. (74) од Скопје пријавил дека на бул.„АСНОМ“ бил каснат од куче скитник. Денеска во 04:25 часот во Полициската станица Прилеп било пријавено дека на крстосница од булевар „Гоце Делчев“ и улица „Кузман Јосифовски Питу“ во Прилеп се случила сообраќајна незгода помеѓу патничко возило „мерцедес“, со прилепски регистарски ознаки, управувано од А. М. (24) од Прилеп и патничко возило „опел зафира“, со прилепски регистарски ознаки, управувано од А. Т. (45) од Прилеп. Во незгодата со тешки телесни повреди се здобиле Ф. В. (26) и Д. А. (18), двајцата од Прилеп, сопатници во возилото „мерцедес“, додека со телесни повреди се здобил возачот на истото возило, констатирани во Општата болница во Прилеп. Увид на местото извршила екипа од Полициската станица Прилеп. Вчера во 17:30 часот во Полициската станица Аеродром, Р. Ш. (50) од Скопје пријавил дека на улица „1611“ бил каснат од куче скитник. аа/