Матеа Киселичка добитничка на наградата „МЕНАДА за млад уметник 2021“
- Кореографката и танчерка Матеа Киселичка е добитничка на престижната награда „МЕНАДА за млад уметник 2021“. Наградата е доделена од стручниот совет на Танц Фест Скопје, кое го сочинуваат долг
![Матеа Киселичка добитничка на наградата „МЕНАДА за млад уметник 2021“](https://mia.mk/index.php/images/20221107120651_big_730x400_85.webp )
Скопје, 3 јуни 2021 (МИА) - Кореографката и танчерка Матеа Киселичка е добитничка на престижната награда „МЕНАДА за млад уметник 2021“. Наградата е доделена од стручниот совет на Танц Фест Скопје, кое го сочинуваат долгогодишните соработници на фестивалот, Љупчо Јолевски, Билјана Илиќ Геровска и Билјана Несторовска.
Од Танц Фест соопштија дека станува збор за престижна награда за годишни остварувања во областа на танцовата уметност која се доделува со цел да го промовира современиот танц, како и танцовата уметност во целост, во насока на поттик и унапредување на развојот на младите уметници, но и нивен пласман на интернационалната сцена.
-Преку неа, Танц Фест го трасира патот и ги приближува европските и светските вредности, со цел да ја презентира најдобрата уметничка експресија и да ѝ ја понуда на публиката и љубителите на убавата уметност, се наведува во соопштението.
Првата „МЕНАДА за млад уметник“ беше доделена на јубилејното, петнаесетто издание на фестивалот Танц Фест во април, 2019 година.
Киселичка работи како универзитетски професор по современ танц на Универзитетот за музика „Зеџијанг“ во Ханџо, Кина, каде во 2019 ги создава кореографските дела „Убаво што ме запозна“, претставено на 12-та престижна танцова изложба за танцова едукација, „TAOLI Cup” и „JAE – Just About Everyone”, претставено Кина – Централни и Источни Европски земји, фестивал за музика и танц, Конзерваториум за музика „Зеџијанг“, Ханџо.
Во 2020, „JAE – Just About Everyone” се изведува и на танцовиот фестивал за креативни изведбени достигнувања, Конзерваториум за музика „Зеџијанг“, Ханџо. Најново нешто во нејзиниот творечки опус се кореографските сегменти во операта „Магичната флејта“ – В. А. Моцарт, при Конзерваториумот за музика „Зеџијанг“, Ханцо.
Во 2010 година, запишува додипломски студии на Скопје Танцовата Академија при Универзитетот ЕСРА, Скопје, каде изучува современ танц во класата на професор д-р Рисима Рисимкин и станува дел од првата генерација на современи танчери во земјава. бт/ац/
![](/articles/images/matea-kiselichka-dobitnichka-na-nagradata-menada-za-mlad-umetnik-2021/C3o8nevB9/placeholder.webp?use_watermark=0)