Вашингтон, 25 февруари 2025 (МИА) – Францускиот претседател Емануел Макрон гледа „значителен напредок“ по неговите вчерашни консултации со американскиот претседател Доналд Трамп за војната во Украина.

Има конкретни разговори за акциски план за постигнување траен мир во кој ќе биде вклучена Украина, изјави Макрон по средбата во Белата куќа.

- Верувам дека денешниот ден беше пресвртница во нашите дискусии, рече тој.

- Ја споделуваме вашата желба за мир, му рече францускиот лидер на Трамп, но додаде: „Мирот не може да значи предавање на Украина“, пренесе ДПА.

Францускиот лидер рече дека се разговарало за безбедносните гаранции и од Европејците и од САД.

Макрон инсистираше на „траен мир“ и рече дека нема да има примирје без безбедносни гаранции.

Франција веќе разговараше со Британија за прашањето за испраќање мировни трупи како дел од безбедносните гаранции.

- Свесни сме и дека Европејците мора да направат повеќе за безбедноста во Европа, за одбраната во Европа и за поправедна распределба на безбедносниот товар, рече Макрон. јт/

Фото: ЕПА