Македонските чувари на мирот активни и во помош на чуварите на здравјето
- Со артилериска стрелба од касарната „Илинден“, Армијата на Република Северна Македонија во март 2020 година го означи официјалното пристапување на Република Северна Македонија во НАТО, како н
![Македонските чувари на мирот активни и во помош на чуварите на здравјето](https://mia.mk/index.php/images/20221105174450_big_730x400_61.webp )
Поддршката од највисокото воено советодавно тело на Алијансата, Армијата ја доби уште во јануари минатата година од претседавачот на воениот комитет на НАТО, воздухопловниот маршал, Стјуарт Пич, кој беше во прва официјална посета на нашата земја.
Пич во екслузивното интерју за МИА од минатата година нагласи дека над 4.000 членови на вооружените сили од Северна Македонија служеле во операции во текот на патот до членство, а тоа овозможило да се увиди професионализмот на нашите вооружени сили.
![](/articles/images/marshal-st-uart-pich-za-mia-propaganda-ne-se-unishtuva-so-propaganda-t/uRc3gk7Od/placeholder.webp?use_watermark=0)
-Тие се распоредени низ целиот свет, вклучително и во Авганистан. Тоа ни дава причина да го почитуваме нивниот професионализам. Сега Армијата на Северна Македонија го почна патот на трансформација, што го поздравуваме и го поддржуваме. Тој пат е многу важен, потребен пат во смисла на модернизација на опремата, почитување на војниците, почитување на нивните претпоставени. Начинот преку кој можеме да учиме едни од други како Алијанса е многу важен, за секој да разбере дека кога станувате сојузник не се работи само за политичката посветеност, што е секако главната вест, туку предноста и можноста за вооружените сили да работат со многу други земји, да учат едни од други, да ги развиваат вештините додека вежбаат заедно и, секако, преку испраќањето на овие мисии со цел уште повеќе да го зголемат професионализмот во иднина. Вооружените сили од Северна Македонија веќе се многу почитувани и ќе бидат подготвени да работат со другите НАТО-сојузници како 30. сојузник, истакна Пич во интерјуто за МИА од 9 јануари минатата година.
Началникот на Генералштабот, генерал-потполковник Васко Ѓурчиновски во јануари минатата година во Норвешка со неговиот домаќин адмиралот Хакун Брун Хансен разговараше за меѓусебната воена соработка како што се иницијативата на балкански медицински наменски сили, како дел од проектот паметна одбрана.
![4-2 (2)](/articles/images/makedonskite-chuvari-na-mirot-aktivni-i-vo-pomosh-na-chuvarite-na-zdra/ECCtVWv9S/placeholder.webp?use_watermark=0)
![5-5](/articles/images/makedonskite-chuvari-na-mirot-aktivni-i-vo-pomosh-na-chuvarite-na-zdra/hRMPYv2uv/placeholder.webp?use_watermark=0)
![7 (1)](/articles/images/makedonskite-chuvari-na-mirot-aktivni-i-vo-pomosh-na-chuvarite-na-zdra/kPosNtuWF/placeholder.webp?use_watermark=0)
![1-10](/articles/images/makedonskite-chuvari-na-mirot-aktivni-i-vo-pomosh-na-chuvarite-na-zdra/CVZX9ocx8/placeholder.webp?use_watermark=0)
![5-10](/articles/images/makedonskite-chuvari-na-mirot-aktivni-i-vo-pomosh-na-chuvarite-na-zdra/HDoY3h8YY/placeholder.webp?use_watermark=0)
![3-16](/articles/images/makedonskite-chuvari-na-mirot-aktivni-i-vo-pomosh-na-chuvarite-na-zdra/4dpvrp674/placeholder.webp?use_watermark=0)