Скопје, 30 декември 2024 (МИА) -  Објавен е  конкурс за наградата „Гоце Делчев“ за 2025 година, со која се оддава општествено признание за особено значајни остварувања од интерес за Република Северна Македонија во областа на науката.

Наградата во 2025 година се доделува за научна книга или дело објавено во 2024 година, на поединци или на група автори од земјата или од странство.

-Право на конкурирање имаат дела од еден автор или група автори што се одделно објавени, рецензирани и каталогизирани. За датумот на објавувањето се смета датумот што е објавен во каталогизацијата на публикацијата (ЦИП). Право на конкурирање немаат остварувања објавени во стручни и научни списанија со импакт-фактор, како и поглавја или делови од книги, се наведува во Конкурсот објавен на веб-страницата на Министерството за образование и наука. 

Предлози за доделување на наградата може да поднесат установи, трговски друштва, здруженија на граѓани и граѓани. Наградата  се доделува на 4 мај - денот на смртта на Гоце Делчев.

Во објавениот конкурс се наведени критериумите за учество и начинот на поднесување на предлозите кое трае од  денеска  до 17 февруари 2025. хс/aa/

Фото: МИА архива