Вашингтон, 13 ноември 2020 (МИА) - Американските медиуми вечерва ја објавија проекцијата на конечните резултати од претседателските избори одржани на 3 ноември, според кои избраниот претседател Џо Бајден освои 306, а актуелниот претседател Доналд Трамп 232 електорски гласови. Американските медиуми дојдоа до тој резултат откако ја проектираа победата на Бајден во сојузната држава Џорџија и на Трамп во Северна Каролина. Како што потсетува Си Ен Ен, Џорџија носи 16 електорски гласа, а Северна Каролина 15, што значи дека Бајден ќе има вкупно 306 гласа, а Трамп 232 гласа. ссм/