Киплагат од Кенија победник на Скопскиот маратон 2022
- Кениецот Онесмус Киплимо Киплагат е победник на Виз Ер Скопски маратон 2022. Тој претпладнево патеката долга 42 км низ улиците на македонската метропола ја истрча со време 2 часа 18 минути и
![Киплагат од Кенија победник на Скопскиот маратон 2022](https://mia.mk/index.php/images/20221113233637_big_730x400_82.webp )
Скопје, 2 октомври 2022 (МИА) – Кениецот Онесмус Киплимо Киплагат е победник на Виз Ер Скопски маратон 2022. Тој претпладнево патеката долга 42 км низ улиците на македонската метропола ја истрча со време 2 часа 18 минути и 19 секунди.
Втор беше Македонецот Дарио Ивановски со време 2:23,07 часа, а трет Никола Илиевски со резултат 2:43,28 часа.
Во женска конкуренција победи Кетрин Черотич од Кенија со време 2:38,48 пред македонската атлетичарка Билјана Кираџиева која на целта стигна по со време 3:04,49 часа. Трета е Тамара Попов со време 3:23,00.
Во полумаратонот (21 километар) најбрзи беа Адријана Поп Арсова во женска и Жан Тошев во машка конкуренција. зс/
![киплагат](/articles/images/%d0%ba%d0%b8%d0%bf%d0%bb%d0%b0%d0%b3%d0%b0%d1%82-%d0%be%d0%b4-%d0%ba%d/NbmlduEur/placeholder.webp?use_watermark=0)