Малага, 26 ноември 2023 (МИА) - Репрезентацијата на Италија синоќа во Малага ја победи Србија со 2:1 во полуфиналето на Дејвис купот.

Италијанците стигнаа до финалето на турнирот за прв пат по 1998 година. Пред 25 години тие во натпреварот за трофејот загубија од Шведска.

Севкупно, италијанскиот тим по осми пат стигна до финалето на Дејвис купот. Тие ја освоија својата единствена титула во 1976 година.

Италија денес во финалето ќе игра против Австралија. зс/

Фото: ЕПА