Вашингтон, 15 ноември 2024 (МИА) - Новоизбраниот американски претседател Доналд Трамп, познат по својата скептичност кон регулациите за климатските промени, веројатно нема значително да го промени глобалното затоплување дури и откако ќе се врати во Белата куќа. Ова го покажува најновото истражување на проектот Climate Action Tracker (CAT).

Трамп планира да ги укине регулациите за заштита на животната средина на Џо Бајден и да ја повлече Америка од меѓународните договори за ограничување на глобалното затоплување на 1,5°C во споредба со прединдустриското ниво. Сепак, CAT проценува дека тоа би предизвикало зголемување на глобалната температура од само 0,04°C до крајот на векот.

Стручњаците предупредуваат дека влијанието може да биде значајно ако други држави ја следат оваа политика на намалени амбиции, особено Кина, која произведува 2,5 пати повеќе стакленички гасови од САД. CAT истакнува дека светот е на пат кон затоплување од 2,6°C според актуелните планови за намалување на емисиите.

Глобалните емисии од фосилни горива достигнаа рекорди оваа година, што значи дека ќе бидат потребни поамбициозни мерки за исполнување на климатските цели. ссм/

фото: архива