Техеран, 22 септември 2024 (МИА) - Иранскиот претседател Масуд Пезешкијан изјави дека планира да го продолжи и продлабочи конструктивниот дијалог со Западот за време на претстојната седница на Генералното собрание на ОН, јави ДПА.

-Крајната цел е да се обезбеди мир и стабилност во меѓународната заедница и се надевам дека ќе постигнам добри и конструктивни резултати во овој поглед, рече Пезешкијан пред да отпатува за Њујорк, каде што утре ќе биде отворена 79-та сесија на Генералното собрание на ОН.

Според иранските медиуми, Пезешкијан има три главни цели во Њујорк: обновување на разговорите за иранската нуклеарна програма, укинување на санкциите поврзани со неа и уверување на Западот дека не и испорачува ракети на Русија и не е вклучен во конфликтот во Украина.

Според аналитичарите, тој ќе се обиде да ја оправда и антиизраелската политика на Иран, додека во исто време Техеран тврди дека не сака ескалација на кризата на Блискиот Исток. мс/

фото: ДПА