Скопје, 12 март 2025 (МИА) - Изјави по поставувањето камен-темелник на граничниот премин „Маркова нога“ на македонско-грчката граница. На настанот присуствуваа премиерот Христијан Мицкоски, евроамбасадорот Михалис Рокас и постојаниот претставник на Програмата за развој на ОН (УНДП) Армен Григорјан. 

Граничниот премин се отвара по повеќе од 50 години, а со тоа се очекува да се отвори простор за економска, туристичка соработка и културна размена меѓу двете држави. Повторното отворање на граничниот премин беше најавено со потпишувањето на Преспанскиот договор во 2018 година.