Излезноста во општините Дебар и Центар Жупа до 11 часот 5, односно 4,47 отсто
- Изборниот ден од првиот круг на претседателските избори во Дебар и Центар Жупа се одвива тековно, со зголемена излезност на граѓаните, кои го остваруваат нивното граѓанско право, потврдуваат од општинските изборни комисии.
![Излезноста во општините Дебар и Центар Жупа до 11 часот 5, односно 4,47 отсто](https://mia.mk/index.php/images/20240424115307_big_730x400_52.webp )
Дебар, 24 април 2024 (МИА) – Изборниот ден од првиот круг на претседателските избори во Дебар и Центар Жупа се одвива тековно, со зголемена излезност на граѓаните, кои го остваруваат нивното граѓанско право, потврдуваат од општинските изборни комисии.
Во општина Дебар, до 11 часот гласале 980 или 5 отсто од вкупно запишаните 19.334 лица.
Зголемена излезност е забележана и во општина Центар Жупа, каде до 11 часот од вкупно запишаните 7.383 лица гласале 329 или 4,47 отсто.
И во двете општини, избирачките места се посетени од претставници на набљудувачката мисија на ОБСЕ/ОДХИР.
Во близина избирачките места, 27 во општина Дебар и 16 во соседната, Центар Жупа, во согласност со законот, има присуство на полициски службеници. вт/ир
Фото: МИА