Излегуваат банкнотите со ликот на британскиот крал Чарлс
- Сликите од кралот ќе се појават на апоени од пет, 10, 20 и 50 фунти и тие ќе се користат заедно со постоечките со ликот на кралицата Елизабета.
![Излегуваат банкнотите со ликот на британскиот крал Чарлс](https://mia.mk/index.php/images/20240221135732_big_730x400_60.webp )
Лондон, 21 февруари 2024 (МИА) - Банкнотите со ликот на британскиот крал Чарлс Трети ќе бидат пуштени во оптек од 5 јуни оваа 2024 година, соопшти денеска Банката на Англија.
Дизајнот беше претставен пред повеќе од една година. Слика од кралот ќе се појават на апоените од пет, 10, 20 и 50 фунти и тие ќе се користат заедно со постоечките хартиени платежни средства со ликот на кралицата Елизабета.
Новите пари, се наведува, постепено ќе ги заменат изветвените банкноти и треба да ја задоволат растечката побарувачка за нови британски хартиени пари. си/рп/
Фото: Банка на Англија