Железничка несреќа во Турција: Патничкиот воз Истанбул-Софија се судри со камион за мешање бетон
- Од ударот и последователно влечење бил повреден возачот на камионот за мешање бетон со турска регистрација. Мажот е хоспитализиран.
![Железничка несреќа во Турција: Патничкиот воз Истанбул-Софија се судри со камион за мешање бетон](https://mia.mk/index.php/images/20240128080934_big_730x400_23.webp )
Софија, 28 јануари 2024 (МИА) - Патнички воз кој сообраќал синоќа од Истанбул за Софија и камион со бетон се судриле на премин во близина на селото Черкезкој, провинција Текирдаг, објави ТВ ТРТ Хабер.
Возот удрил во камионот кој се обидувал да го помине преминот. Од ударот и последователно влечење бил повреден возачот на камионот за мешање бетон со турска регистрација. Мажот е хоспитализиран.
Во ноќниот патнички воз Е68 009 имало вкупно 80 лица, повеќето странци, меѓу кои и бугарски државјани, пренесува БТА. Несреќата се случи во 23:00 часот по локално време.
На местото на настанот се испратени медицински екипи и полиција и почнат е увид. ссм/
фото: Википедија